views
Xisbi Siyaasadeed Mucaarad ah oo Looga Dhawaaqay Magaaladda Boosaaso
Xisbi Siyaasadeed la magac baxay HOR-CAD ayaa si rasmi loogaga dhawaaqay gudaha magaaladda Boosaaso,wuxuuna noqonayaa Xisbigii Saddexdaan oo Puntland Doorashadda soo socota u tartami doona.
Xafladda ballaaran oo lagu qabtay Hotel Juba ayaa waxaa kasoo qeybgalay Wasiiro Xukuumadda ka tirsan,Siyaasiyiin,Ganacsato,Culuma’udii n,Isimo,Aqoonyahano iyo marti sharaf kale.
Afhayeenka Ururka HOR-CAD Axmed Yaasiin oo ugu horeyn ka hadlay Xafladda daahfurka ayaa sheegay in Ururkan yahay mid bulshadda Puntland u horseedaya Cadaalad iyo horumar.
Waxa uu sheegay in Astaanka Ururku yahay Kitaabka Quraanka Kariimka ah,Miisaanka Cadaaladda iyo Neef Geel ah,taasina ay tahay buu yiri mid ka turjumaysa Cadaaladda iyo Horumarka.
Shiikh Axmed Daahir oo kamid ah Culuma’udiinka ugu muga weyn Puntland ayaa isna sheegay in Ururkan HOR-CAD si weyn usoo dhaweynayaan isla markaana uga fadhiyaan in wax weyn uu ka qabto Xaaladda Puntland.
Guddoomiyaha Ururka HOR-CAD Cabdiqaadir Axmed Ducaale oo ku sugan magaalada Qaahir isla markaana khadka Taleefanka uga qeybqaatay daagfurka Ururka ayaa sheegay in Ururku yahay mid Mucaarad ah balse ah Mucaarad ka shaqeynaya danaha bulshadda.
Mudane Cabdiqaadir ayaa sheegay in Ujeedada Ururkan HOR-CAD uu yahay sidii ay uga mid noqon lahaayeen Hoggaamiyaasha berito ee Puntland,wuxuuna amaanay Hannaanka Dimuqraadiyadda oo la’aanteed ku suurtagasheen in Ururkan ku dhawaaqaan.
Wasiir Kuxigeenka Dekedaha,Gaadiidka Badda iyo la dagaalanka Burcadbadeeda Cabdishakuur Mire Adam oo ku hadlay afka Xukuumadda Puntland ayaa sheegay in Talaaban ay tahay mid muujinaysa Hannaanka Dimuqraadiyadda Puntland ee ay kar wadeenka ka yihiin.
Waxa uu kula kaftamay in haddii ka Dawlad ahaan doonayaan in Xukunka ay sii dheereystaan isla markaana Xafiiska joogaan aysanba sameeyeen in Axsaab la furto lalana tartamo Xisbigooda Horseed.taasina ay muujinayso iney diyaar u yihiin in lala tartamo.
Qaar kamid ah Waxgaradka,Isimadda,Puntland ee ku sugnaa madasha lagaga dhawaaqay Ururka cusub ayaa si wadajir usoo dhaweeyey,waxayna kula dardaarmeen inuu noqdo mid danta bulshada ka shaqeeya.
Up coming
views
views
views
views
views
views
views
views
views
views