views
Fanaan Caan ah oo geeriyooday & Odi dhaqameed lagu toogtay Muqdisho.
Allha u naxriistee Waxaa Magaalada Muqdisho ku geeriyooday Fanaan soomaaliyeed oo caan ku ah fanka Axmed Heybe Caraale, sida ay xaqiijiyeen qaar ka mid ah ehelkiisa gaar ahaan Wiilkiisa oo lagu Magacaabo C/risaaq Axmed Heybe.
Geerida Marxuumka ayaa timid ka dib markii xanuun deg deg ah uu kusoo booday, iyadoona Marxuumkaan uu ka mid ahaa Fanaaniinta Hobolada Qaranka Waaberi, waxa uuna kaalin weyn kasoo qaatay horumarinta Fanka Soomaaliyeed.
Maalinta Barrito ayaa lagu wadaa Fanaanka in lagu Aaso Magaalada Muqdisho ee Caasimada dalka Soomaaliya.
Dhinaca kale waxaa Muqdisho lagu dilay mid ka mid ah Odiyaashii qeybta ka geystay soo xulistii Baarlamaanka Soomaaliya, kaasi oo lagu Magacaabi jiray Maxamed Maxamuud Yuusuf.
Marxuumka ayaa lagu toogtay gudaha xaafadda Nasteexo ee degmada Wadajir, iyadoona dilkiisa ay geysteen kooxo ku hubeysan Bastoolado kuwaasi oo goobta ka baxsaday.
Xilliga dilka uu dhacaayay ayaa waxa uu Marxuumka ku sugnaa Nawaaxiga Xaafadiisa, gaar ahaan Garaash ka Agdhaw hoygiisa oo ku yaal Xaafada Nasteexo ee degmada Wadajir.
Ma aha Markii ugu horeesay oo ay kooxo hubeysan gudaha Magaalada Muqdisho ku toogtaan mid ka mid ah Odiyaashii Xulista Baarlamaanka ka qeyb qaatay, iyadoona aan la ogeyn kooxaha dilkaan geystay cida ay yihiin.
Up coming
views
views
views
views
views
views
views
views
views
views