Britain iyo UN-ka Oo Madaxweyne Siilaanyo ku ammaanay kalsoonidda uu ka haysto shacabkiisa

Hargeysa (Somaliland.Org)- Laba sarkaal oo ka kala socdey safaarada dawlada Ingiriiska ee dalka Itoobiya iyo Ha’yadda UNODC, Mr, Manual Barara iyo Mr. John Mekin, ayaa madaxweynaha Somaliland ku amaanay sida uu shacabkiisa u dhex lugaynayo taasi oo ay xuseen inay muujinayso kalsoonida uu ummadiisa ka haysto.

Labadan sarkaal oo maanta ka qeyb galay munaasibad Madaxaweyne Axmed Maxamed Maxamuud ISiilaanyo) ku dhex dhigay dhisme cusub oo loo dhisayo wasaarada cadaalada Somaliland, sidoo kale waxay guul ku timaameen dhismahan cusub ee wasaarada cadaalada yeelanayso.

Ugu horeyn salkaalka ka socdey, UNODC, Mr, Manual Barara, oo munaasibadaasi dhagax dhiga hadalkooban ka jeediyey ayaa balan qaaday inay la shaqeynayaan inay Somaliland iyo shacbigeeda waxaanu yidhi “Waxaan mudane, Madaxweyne kuu balan qaadayaa inaanu wadanka kaala shaqeyn doono, waa inaanu dadka la shaqeynaa, waa inaanu Waxa ay natusaysaa sida aad maanta sida aad umadaada u dhex lugaynayso kasoonida ummadaadu kugu qabto.

Wakhtigan ku jirno dambigu xad ma leh, oo halkan wuu ka dhacayaa iyo meel walba waxaynu ku xakayn lahayna waxay ku xidhan tahay sida aynu uga wada shaqeyno, muftaaxa koowaadna waa sida aynu war isku dhaafsano, sida aynu xog isku dhaafsano iyo si aynu u wada shaqeyno, si aanu albaab u helin dambigu, Mudane Madaxweyne aad ayaad u mahad san tahay.”

Salkaal ka tirsan safaarada Ingiriiska dalka Itoobiya, Mr Jin Maken, oo dalka u yimid ka qeyb galka munaasibada lagu dhagax-dhiga wasaarada cadaalada oo hirgalinteeda ay qayb ka ahaa yeen, ayaa faah-faahin ka bixiyay iskaashiga iyo wadashaqaynta ay la leeyihiin dowlada Somaliland, gaar ahaan wasaaada cadalada, waxaanu guul ku tilmaamay hirgalinta dhisnaha cusub ee wasaarada cadaalada.

Somaliland.Org/Hargeysa