views
DOOD FURAN: Puntland, Kadib 8-da Janaayo 2013 Ma U Baahan Tahay Doorasho Madaxtinimada?
Dood ayaa ka taagan aqtiga uu rasmi ahaan dhammaanayo mudada xilka xukuumadda hadda jirta ee Puntland ee uu hogaamiyo madaxweyne C/raxmaan Faroole. Doodaasi waxa ay hadda mareysaa meel adag.
Xukuumadda hadda jirta ee madaxweyne Faroole waxay ku adkeysaneysaa in mudo 12 bilood ah ay uga hartay waqtigii loo igmaday inay xafiiska heyso taasoo ku eh sanadka 2014 (siday qabto xukuumadda). Dooda madaxtooyada iyo xukuumadda Puntland ayaa ah in ay lala ansaxiyey dastuurka Puntland kolkii ay ergooyinkii lala kala keenay deegaanada Puntland ay ansinayeen sidaas darteedna ay la jaanqaadeyso dastuurka cusub ee la sameeyayn lana meelmariyey kolkaas.
Hase yeeshee dood kale oo aad u adag ayaa hortaalla- Dad mucaaradsan waxay qabaan in mudada xilka madaxweyne Faroole uu ku eg yahay 8-da Janaayo 2013 oo hadda ay naga xigto qiyaastii bil iyo malmo (33 cisho kaliya). Dadka aragtidaas qaba waxay sheegayaan in dastuurka Puntland iyo kan dawladii 1960-kii ee Soomaaliya (oo ah asalka dastuurada dalka) ay qabaan in “haddii wax ka bedel ku yimaado dastuurka inaaney saameyneyn xukuumadda iyo baarlamaanka markaasi jira“.
Mucaaradka waxey kaloo ku doodayaan in Golaha wakiilada ee hadda jooga ay iyaguna jiritaankooda sharciyadeed ku ekaa 31/10/2012 marka loo eego nidaamkii hore ee afarta sano ee ay ku dhaqmi jirtay Puntland.
Xisbiyada siyaasadda
Maalmo yar kadib markii uu madaxweyne Faroole Garowe kaga dhawaaqay xisbigiisa HORSEED wuxuu bilaabay safar dhulka ah oo uu gobollada ku marayo, isagoo ka bilaabay magaalada Qardho iyo Boosaaso oo uu haddaba ku sugan yahay, walow Qardho mudaaharaad caro wata dadna ku waxyeeloobeen uu kala kulmay haddana reer Bariga Boosaaso si weyn ayey u soo dhoweeyeen madaxweynaha.
Dadka ka faalooda siyaasadda gobolka ayaa sheegaya in ujeedka booqashada madaxweyne Faroole ay tahay raadinta taageero iyo kalsoonida beelaha ee uu waa-hore lumiyey isagoo hadda isku dayaya inuu hadda ka helo taageero qabiilada ay mar hore kala fogaadeen.
Dhanka kale marka arrimahan halkan oo kale soo gaaraan waxaa la isweydiiyaa kaalinta odayaasha dhaqanka oo markasta ahaa marjiciyada ugu weyn ee maamulka iyo dhismaha nabadda deegaanka taasoo iyaguna hadda si weyn loo tebey.
Haddaba marka la gaaro 08/01/2012 Puntland ma u baahan tahay doorasho madaxtinimo? mise waxaa loo deyn doonaa sanadka dheeraadka ee madaxweyne Faroole doonayo?
Haddiise ay dhacayso doorasho ma loo diyaarsan yahay?
Maxase tahay kaalinta odayaasha dhaqanka furan waqtigan la joogo?…Waa dood furan!
RBC Radio
Use Facebook to Comment on this Post
Up coming
views
views
views
views
views
views
views
views
views
views