War deg deg ah: Sirdoonka Somaliland iyo Puntland oo sheegay in Diyaaradii Taleex hub waday

WAAJIDPRESS – 7 DEC 2012:

Qaar ka mida Saraakiisha Sirdoonka Maamulada Somaliland iyo Puntland ayaa tibaaxay in Diyaaradii ka degtay Garoonka Sayid Mohamed ee Magaaladda Taleex ay waday Hub iyo Dawo laga saaray Muqdisho.

Diyaaradda ay la socdeen madax dhaqameed iyo siyaasiyiinta Khaatuma State ayaa muujinaya in Diyaarado ku rarnaayeen kaartoono iyo Sanaadiiq waaweyn oo Jawaano lagu dul tolay.

Sirdoonka Faroole iyo Siilaanyo waxay ku xog warameen in hubka iyo Dawada laga raray Muqdisho ay baaris ku sameeynayaan cidda bixisay laakiin dhinaca kale waxay tilmaameen in Maamulka Khaatuma qorsheeynayo dagaalo uu ku qaado Somaliland.

Ila wareedyo muhiima ayaa sheegay in hubka Diyaarada qaaday ay Saraakiisha Ciidamadda Dowladda ugu deeqeen Khaatuma State,iyagoo si sharciya garoonka uga daabushay.

Maamulka Khaatuma State of Somalia ayaa sagaal bilood diyaar garoow ugu jiray sidii degaanadooda uga saari lahaayeen Ciidamada Somaliland iyo Puntland hasse yeeshee lama oga qorshahooda dagaal xilliga uu ku beegan yahay.

Colaadii 22 sano ka oogneed Koofurta Somalia ayaa hada u guurtay Goboladda Berri iyo Waqooyi iyadoo Somaliland iyo Puntland ay xiisado dagaal hareeyeen maadama loolanka doorashooyinka iyo damaca siyaasiyiinta yahay mid sii kordhahaya .

Maleeshiyaadka argagixisada Al-Shabaab ee ku jabay dagaaladii Koofurta Somalia ayaa fariisimo waaweyn ka sameeystay Somaliland iyo Puntland.

Dagaalyahano ka tirsan Al-Shabaab ayaa weerar ku qaaday Ciidamadda Bosaso halka daqiiqado gudahoodna qarax lala beegsaday askarta Puntland.

Rabshado ka dhashay musuqmaasuqa gudigga doorashooyinka Somaliland ayaa horseeday in Ciidamadda Boliiska Hargeysa dilaan inta la og yahay afar qof oo rayida halka ay dhaawaceen 17 kale kadib markii ay rasaas huwiyaan dibadbaxayaal taageersan Ururka Xaqsoor kuwaas oo Dumar iyo Caruur badnaa.

Xaalada Hargeysa oo kacsan ayaa Isgaarsiinta Somaliland hawada laga saaray xalay saqdii dhexe ,iyadoo dadka la xasuuqayna dhamaantood ka soo jeedaan Beesha Arab ee Isaaq.

Beesha Arab waxaa lagu tilmaamaa inay yihiin dagaalyahano aan gardarada qaadan waloow inta badan Saami qeybsiga Maamulka Somaliland laga siiyo xilal u dhigma xaqiraad.