Puntland ma ka badbaadi kartaa duufanka siyaasadeed ee kacsan? W/Q Said Adam

Puntland ma ka badbaadi kartaa duufanka siyaasadeed ee kacsan?
Said Adam
Said.adams@gmail.com
Janaayo 04 2012

Said Adam

Waxaan aamisanahay in bulsha weynta Puntland in ay aqoontii iyo kartideedii leeyihin in ay badbaadiyaan wadajirkooda.Ma aha markii igu horeysey ee khilaaf siyaadeed oo noocan ahi uu ka dhex aloosmo Madaxweynaha iyo xubnaha la loolamaya, waxaanse rajeynayaa inuu noqdo kii ugu danbeyeey, haddii la helo dad ka mideysan aragti siyaasadeed oo xambaarsan siyaasad qoto dheer, si wax looga barto khaladaadkii hore.Waxaan wada og nahay inuu jiro Dastuur maamulka Puntland oo sameysan, kaas oo aad moodo in dadka badankoodu aanay ka dheregsaneyn. Sababta oo ah , haddii la isla fahmsan yahay dastuurka , khilaafku ma gaareen meesha uu gaaray. Waxaa inta badan garab ordi jirey dastuurka xeer beegti hoose oo muddoyino kale duwan lagu soo badbaadey oo ay hogaaminayeen madax dhaqameedka degaankaas, kuwaas oo gaaray guulo la taaban karo . Waxa taas soo raaci lahaa , oo aad muhiim u ah , haday ay jirto Maxkamad sare. Taaso oo kale saari laheyd khilaafka kooxaha ku muransan siyaasada.

Kaaliintii madax dhaqameedka , waxaad moodaa in awoodoodii la wiiqay si kaste ha ahaatee, lakkin waxaan la fududeysan karin , doorka ay ka ciyaari karaan marka marxaladaha noocaan oo kale ay aloosan yihiin. Su`aasha meesha talaa waxay tahay, kalsoonidii shacabka iyo garabyada siyaasadeed ee hardamaya sidee u mideyn karaan maxaanse la gudboon.

Waxaan lama huraan ah, in aan meesha laga saarin in beelaha deegaanada degaa, aanay iska hor imaad dhexdooda ahi dhicin, si loo ilaaliyee in mumaalka dadka ku dhex noolaa uusan meesha uga bixin. Sidee xubnaha mucraadka ku arkayaan hayadaha dowliga ah sideeda janaayo ka dib.Waxaa sidoo kale muhuum ah, in la mideeyo garabyada siyaasadeed ee degaanka ka jiro,haddii ay suurgal tahay, si ay u fududaato hardanka loolan ee meesha jiraa.

Maamulka hada jira ee hogaamiye u yahay Madaxweyne Abdiraxmaan Faroole , diyaar ma u yihiin , in ay wada xaajood siyaasadeed galaan.Si loo soo dhaweeyo in wadahadal maamulka iyo mucaardka ah inuu bilowdo. Waxaad moodaa fursadaasi in aanay muuqaan, waa maxay waxa hortaagan, ma waxa jira qorshe qarsoon oo aan la goyn.

Madaxweyne Cadbirahman Faroole, wuxuu dagaal la galay Madaxweynayaashii isaga ka horeeyey, isagoo diidan wakhti lagu darsadaa ay xaaran tahay, maxaa hadda xalaalayeey.

Waxaan qabaa in uu meesha ka baxay iskaashigii madax dhaqameedka iyo bulshada rayidka ah, mudadii ugu danbeesey, sababta oo ah codkoodu waxaad moodaa inuu xabeeb ku xirtay oo aan meel fog laga maqli karin sidii caadadu hayed. Badbaadada deegaanku waxaad moodaa in ay iyaga gacantooda soo gashay, waa fursad qaali ah oo loo baahan yahay in ay masuuliyadoodii qaadaan.

Haddii dib ubaabulka hadda jira ee qeybo ka mid ah madax dhaqameedku ay ku guuleystaan, in ay kulan deg deg yeeshaan , maamulka jiraana u debecsanado kulanka ururada bulshadu rayidka, waxaa soo dhawaan kara xalku. Waana suuragal taasi, inkastoo aragti kala duwan laga yeelan karo. Waxaase fura u noqon kara in aan shuruuduhu madasha wadahadalka ka baxaan. Haddii la rabo in helo xal waara.Loona gudbo nidaamkii khilaafka noocan ah lagu soo afjari lahaa, taas oo furuheedu yahay, in la dhiso Maxkamad sare oo dhexdhexaad ah , u adeegta garooska cadaalad huwan. Xaalada Puntland ayaa u eg, hashii sadkeedu go`day ee looga cabsady in ay fool baxsato, haddii aan gaar adag laga qaban.

Waxaa bulshada Somaliyeed ee Puntland ka mid tahay in inteeda kale haboon in la barto labo erey oo muhiim in la hirgeliyo hadii la rabo in maamul ama maamulo loo furo wadahadal , kuwaas oo ah waxa afkaqalaad lagu yiraahdo Compromise and sacrifice.

====================================================

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH GABAY, MAANSO MAQAAL, SHEEKOOYIN GAA-GAABAN AMA WAXKALEBA U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM

Use Facebook to Comment on this Post