War deg deg ah: Fu’ad Shoongole oo diinsoor ka soo muuqday una hanjabay AMISOM

WAAJIDPRESS – 4 JAN 2013:

Fu’aad Shongole oo kamid ahaa horjoogayaasha Kooxda Alshabaab isla markaasina aan saxaafada laga maqal tan iyo intii dowlada Mareykanka ay madaxiisa dul dhigtay Malaayiinka dollar ayaa maanta saxaafada Alshabaab soo dhigay cajalad cod ah oo uu kaga hadlayo dagaalada ka socda qeybo kamid ah Koonfurta Somaliya ee u dhaxeeya Kooxda Alshabaab iyo Ciidamada Somalida ee Kaashanaya AMISOM iyo Itoobiya.

Fu’aad Shongole ayaa waxuu ku baaqay in dagaalada la sii wado, Waxuuna sheegay in dalkani ay ku soo duuleen dowlada Mareykanka u uu soo adeegsaday, kuwaasi oo uu ku sheegay ,Uganda, Burundi, Itoobiya iyo Kenya.

Waxuu sheegay in Mareykanka uu horey ugu fashilmay dagaalkii uu ku soo qaaday Somaliya 1993, haatana ay AMISOM ujebin doonaan sidii loo jebiyay Ciidamadii UNISOM 1993-gi.

Si rasmi ah looma oga halka uu jooga , Inkastoo lagu soo waramayo in uu joogo Degaanka Diinsoor ee Gobalka Baay. Hadalka Fu’aad Shoongole ayaa ku soo aaday xilli kooxda Alshabaab laga sifeeyay inta badan Koonfurta Somaliya , haatana ay seefta dul saarantahay Magaalada Kismaayo ee ugxunta u tiilay kooxdani.