views
Al Shabaab oo Soo Bandhigtay Meydka Askarigii Kumaandooska Faransiiska (Sawiro)
Meydka Askariga Faransiiska oo lagu baahiyey bogga twitter-ka Al Shabaab
Muqdisho (RBC) Ururka Al Shabaab ayaa caawa boggooda twitter-ka ku soo bandhigay meydka askarigii Kumaandooska Faransiiska ee ay ku dileen iska horimaad adag oo habenimadii Sabtidu soo galaysay ee toddobaadkan degmada Buulo Mareer ku dhexmaray ciidamo gaar ah oo Faransiis ah iyo dagaalyahahanno ka tirsanAl Shabaab oo afduub u heysta sarkaal u dhashay wadankaasi.
Qoraalo kooban oo hoosta looga qoray sawirada ayaa lagu faafiyey bogga twitter-ka Al Shabaab ayaa lagu sheegay in askariga ay ka furteen hub uu sitay, waxaana sawirada ka muuqday saddex qori iyo rasaas dul saaran gogol loo dhigay.
Afhayeen u hadlay Al Shabaab Sheekh C/casiis Abuu Muscab oo maanta shir jaraa’id qabtay ayaa shaaca ka qaaday in askariga Kumandooska Faransiiska uu geeriyooday saacado ka dib markii hawgalkii fashilmay ee Faransiiska ka fuliyeen degmada Buulo Mareer habeenimadii Sabtida uu dhacay, wuxuuna ninkani askariga ah u dhintay dhaawac culus oo ka soo gaaray dagaalkii dhexmaray askartiisa iyo dagaalyahanada Al Shabaab.
Warka lagu daabacay bogga Twitter-ka Al Shabaab kama hadlin waxa ay ka yeelayaan ninkii la heystaha ahaa ee Dennis Alex oo tan iyo bishii July 2009 Al Shabaab ay gacanta ku hayeen walow ay sheegeen Sabtidii inay go’aanka gaari doonaan.
Soo bandhigista meydka askariga Faransiiska ayaa soo baxday saacado ka dib markii madaxweynaha Mareykanka Barrack Obama uu shaaca ka qaaday in diyaarad iyo ciidam Mareykan ah ay gacan ka geysteen duulaankii fashilmay ee Faransiiska ku qaadeen degmada Buulo Mareer.
RBC Radio
Use Facebook to Comment on this Post
Up coming
views
views
views
views
views
views
views
views
views
views